Fshati Ciflik ( Cifliki ) - Fshati Zhelinë - Një Hap Më Afër Vendlindjes Tuaj - Zhelina.Net

Venbanimi gjendet diku në pjesën qendrore të teritorit të Zhelinës dhe është I rethuar me fshatrat e territorit që nuk kan shtrirje në Pollogun e Poshtëm (Dobërcen, Llërcen, Grupçinin dhe Kapazhdollin ).

Çifliku shtrihet në rrugën kryesore Tetovë-Shkup me të cilën lidhet me anë të rrugës lokale. Prandaj, duhet të theksohet se ky fshat nuk gjendet në Pollogun e Poshtëm,por shrtihet në rrjedhën e lumit Fushë ,keshtu bashkë me vendbanimet tjera I takojnë pellgut të lumit Treska. Për ndryshim nga fshatrat tjera të kësaj ane, Çifliku posedon tokë më produktive, ngase vet shtrirja e saj është në siperfaqen aluvionale te lumit Fushë, prandaj ky lum vendbanimin e ndanë në dy pjes të përafërta.

Fshati nga Tetova është në largesi prej 18 km ndërsa nga selia e komunës afro 10 km. Edhe pse Çifliku mund të llogarritet në vendbanim kodrinor, lartësia mbidetare e saj është 505 metra.

Në bazë të shtimit të lartë natyrorë të vendbanimit, Çifliku ka kaluar nga fshati me madhësi mesatare ?.

Në fshat nuk ka ardhur asnjë amvisëri nga vendet tjera prej vitit 1952 e këndej. Kështu që në vitin 1961 vendbanimi kishte 510 banorë, ndërsa në vitin 1994 numri i banorëve është rritur në 1.063 banorë që bënte 5% nga numri i pergjithshem i popullsisë së komunës ose dyfish më shumë nga numri i popullsisë së vitit 1961. Sipas anketës së realizuar në vitin 1997 Çifliku kishte 1.200 banorë, dhe të gjithë janë të përkatësisë nacionale shqiptare. Në vitin 1994 nga popullsia e përgjithshme, 530 persona ishin të gjinisë mashkullore, ndërsa të 533 të gjinisë femerore. Sipas strukturës moshore, grup-mosha e re prej 0 – 17 vjec, perfshin 444 persona, ose 41,7%, grup-mosha e rritur apo popullsia e pjekur prej moshës 18-59 vjec numëronte 543 persona, ose 51,1%, ndërsa grup-mosha e moshuar e popullsisë prej 60 e më tepvër vjet numëronte 76 persona.

Popullsia analfabete dhe ajo që shkollën fillore nuk e ka të kryer plotësisht, numëronte 192 persona, ose 24,1%, me shkollë fillore kishte 434 persona ose 55,0%, me shkollë të mesme 20 persona, ndërsa 4 persona ishin me shkollë të lartë apo sipërore.

Nga popullsia e përgjithshme, në vitin 1994, popullsia aktive numëronte 254 persona, ose 23,9%, ndërsa ne popullsinë e mbajtur bënin pjesë 742 persona, ose 69,8%.

Nga ky fshat ne botën e jashtme punojnë më shumë se100 persona, edhe atë në Gjermani, Zvicër, Itali, Danimarkë, Austri, Francë, etj. Duhet përmendur se në levizjet ditore të popullsisë marrin pjesë 20 persona. Ne vitin 1994 fshati kishte 132 amvisëri, ndërsa në vitin 1997 vendbanimi kishte numër te njëjtë të amvisërive, pra 132, ose 3,7% nga numri pergjithshëm I amvisërive të komunës. Megjithatë, këtu amvisërite janë me numër të madhë te anëtarëve, gjegjësisht këtu mesatarisht për një amvisëri jan 9 anëtarë, që është mesatare shumë e lartë.

Vendbanimi i Ciflikut me ujë për pije furnizohet nga puset, ndërsa në sinorin e fshatit janë regjistruar 7 burime. Në fshat punon shkolla fillore periferike "Pashko Vasa" ku mesojnë afro 200 nxenës nga klasa e I - VIII -të , xhamia, 4 shitore, 4 kafeteri, 2 internet kafe dhe 1 frizer. Ne bazë të madhësisë së vendbanimit, këtu mungojnë disa objekte publike të rëndësishme, mandej reparte fabrikash, etj. Sipas anketës, popullsise së Çiflikut I nevojitet ndërtimi I ujësjellësit dhe i kanalizimit dhe të përmirësohet pajisja infrastrukturale.

Çifliku ashtu edhe si fshatrat tjerë të ngushticës së zgjeruar që lidh Tetovën dhe Shkupin, ka sipërfaqe të vogël dhe atë prej 3,6 km2, ose 1,8% nga sipërfaqja e përgjithsme e komunës. Nga kjo arsye edhe stru ktura agrare nuk është e madhe, respektivisht zen sipërfaqe prej 355 ha.

Në këtë strukturë toka punuese zen sipërfaqe prej 148 ha ose 3,1% nga sipërfaqja e përgjithshme punuese e komunës. Mesatarisht në një amvisëri (9 anetarë) I takojnë 1,1 ha tokë punuese, prandaj për këtë kuptim mund të thuhet se Çifliku është fshat me stërdendësi agrare. Kullotat zënë siperfaqe prej 50 h, ndërsa pyjet 137 ha, të cilat nuk kanë rendësi për zhvillimin e ekonomisë pyjore.

Nga fondi I kafshëve Çifliku ka 100 copë dhenë, 110 krerë kafshë të trasha dhe 30 copë dhi. Makineria është e perfshirë me 40 traktorë, 20 kamionë, dhe 30 vetura. Në bazë të pozitës së volitshme gjeografike, numrit të madhë të popullsisë, këtu në këtë fshat duhet të zhvillohet veprimtari jobujqësore, sepse fshati nuk mundet të sigurojë ekzistencën vetëm nga bujqësia e cila është tejet modeste, andaj duhet të mendohet për zhvillimin ekonomik të këtijë lokaliteti dhe me ndonjë repart të industrisë përpunuese, për arsye se Çifliku njëherit është edhe fshat transit dhe ka kushte të volitshme për integrim zhvillimor ekonomik.

Me ndihmën e komunës u bë thurrja e objektit të fshatit të shkollës, ndricimi publik, asfaltimi i rrugës brenda fshatit dhe hartimi i projektit të shtratit të lumit "Fusha".

Si prioritete që duhet dhënë në të ardhmen janë: Rregullimi i shtratit të lumit , asfaltimi 1,2 km i rrugës që lidh fshatrat Ciflik - Debercë - Llërcë. Rrugë kjo me interes të pergjithshëm. Instalimi i rrjetit të ujësjellsit, kanalizimi, stimulimi i bujqësisë në rruajtjen e kafshëve të trasha dhe të imta, etj. Gjithashtu ky vendbanim, ka nevojë edhe për rregullimin e një fushe sporti për të rinj, ngase ky vendbanim ka një teren mjaftë te përshtatshëm për aktivitete sportive