Mediat e pavarura janë kusht për një shoqëri në demokraci, por sa në të vërtet ato e plotësojnë këtë detyrë u diskutua gjatë tribunës së sotme në Shkup, organizuar nga fondacioni gjerman Konrad Adenaur. Qëllimi i tribunës ishte që më gjerësisht të flitet rreth politikës dhe pavarësisë së mediave. Pjesëmarrësit në këtë tribunë gazetarë, deputetë, analistë, përfaqësues të organizatave jo-qeveriatre, thanë se mediat në Maqedoni janë në gjendje jo të mirë. Sipas tyre, gazetarët janë nën presion të partive politike. Por gazetarët ishin edhe vetëkritkë, ata pranuan se disa kolegë të tyre, shpeshherë e thyejnë kodin gazetaresk të punës. “Në ndërtimin e imazhit, politikanët filluan shumë e më shumë të lidhen me aktorë, muzikantë dhe sportistë. Ata këtë e bëjnë duke u ndarë çmime ose duke u dërguar ftesa, gjegjësisht duke u paraqitur ne vendet ku mblidhen yjet e njohura. Prej këtu edhe më shumë përhapen zërat për transferimin e politikës në mall, mënyrë në të cilën komunikimin politik e formojnë interesat komerciale, të cilat ndikojnë në mediat. Parashtrohet pyetja, vallë partitë politike me të shpejtë po bëhen kompani komerciale qëllimi i të cilave është shitja e qëllimeve politike", pyet ekspertja Vesna Shopar. Zoran Stefanosvki nga Këshilli për radiodifuzion tha se do të intervenohet në Ligjin për veprimtari të radiodifuzionit për të ndërprerë ndikimin e politikës në media. “Mediat në Maqedoni ishin një nga faktorët më të rëndësishëm për formimin e vullnetit politik dhe për transferimet nga një parti politike të tjetër. Edhe pse në vitin 2005 ishte miratuar Ligji për veprimtari të radiodifuzionit, i cila kufizon ndikimin politik ndaj mediave, përsëri faktet tregojnë se jemi larg mediave jo politike dhe të pavaruara. Andaj prej këtu u paraqit edhe nevoja për intervenim ligjor për ndalim të themelimit të mediave jo vetëm nga partitë politike por edhe nga ana e funksionarëve të partive politike.”, theksoi Zoran Stefanovski, kryetar i Këshillit për radiodifuzion. Në tribunë pati edhe përplasje politike mes LSDM dhe VMRO DPMNE. Opozita kritikoi partinë në pushtet se po ushtron diktat politik ndaj mediave. Maqedonia raporton sot para Brukselit për përparimin e vendit në lidhje me plotësimin e kritereve politike, ekonomike dhe të përthithjes të legjislacionit evropian. Takimi i gjashtë i Komitetit për Stabilizim-Asociim do të prekë temat të ndryshme, por me rënëdesi janë ato të legjislacionit dhe zbatimit të tij në fusha të ndryshme si në drejtësi, administratë etj, konfliktin me EVN në sektorin e energjisë, zbatimin e marrëveshjes së Ohrit etj. Pala maqedone kryesohet nga Malinka Ristevska Jordanova, këshilltare shtetërore në Sekretariatin për çështje evropiane, ndërsa Komisioni Evropian nga drejtori për vendet kandidate Dirk Lange. Takimi mbahet në një kohë të rëndësishme pasi vendi ka kohë deri në shtator për të dëshmuar se sa i ka plotësuar tetë masat që kushtëzojnë ende çeljen e negociatave për anëtarësim me Bashkimin Evropian. Pala maqedone ka përgatitur shembuj konkretë të përmirësimit të situatës në fushën e drejtësisë, fushë në të cilën kërkohen më shumë rezultate nga Brukseli. Në atë të administratës publike Shkupi do të arësyetohet me rezultatet që korri në plotësimin e kushteve për liberalizimin e vizave, ç‘ka sipas kësaj pale dëshmon ngritjen e nivelit të administatës. Në fushën politike do të raportohet, ndër të tjera, për përmirësimet që janë kërkuar të bëhen pas zgjedhjeve të fundit, të cilat i plotësuan në pjesën dërrmuese standartet ndërkombëtare. Në kriterin ekonomik do të pasqyrohet situata e re apo katër muajve të fundit e sidomos masat anti-krizë në vend. Por një nga temat që pritet të shtrohet për debat është edhe ajo e konfliktit me kompaninë EVN, si dhe zhvillimet e situatës në vend në këtë drejtim, të cilat i përkasin pjesës së diskutimit për sektorin energjisë. Marrëveshja e Ohrit dhe hapat e ndërmarrë për zbatimin deri në fund të saj, veçanërisht në fushën e decentralizimit, do të jenë tjetër temë e pasqyrës së përgatitur nga Shkupi. Takimi që zhvillohet sot mes dy delegacioneve është i dyti në radhë për nga niveli i përfaqësimit, dhe pas pesë nën-komiteteve për çështje teknike të zhvilluara në të kaluarën, ky takim i paraprin Këshillit të Stabilizim-Asociimit që pritet të zhvillohet në gjysmën e dytë të muajit korrik. Takimi do të zgjasë dy ditë, me pjesën më të madhe të temave që pritet të diskutohen sot në ambientet e njërës prej ndërtesave të Komisionit Evropian. Ndërsa të premten do të zhvillohet një bisedë e shkurtër në përfundim të së cilës do të publikohet edhe një deklaratë e përbashkët për shtyp me përzierjen e konkluzioneve nga të dyja palët. Ndërkohë mund të thuhet se këto ditë Brukseli është vizituar shumë nga Shkupi. Këtu sot po qëndron edhe Kryeministri Gruevski, i cili merr pjesë në samitin e rregullt të Partisë Popullore Evropiane, pak orë para samitit të fundit evropian nën udhëheqjen e Presidencës çeke. Një ditë më parë po në Bruksel ndodhej edhe ministri i ekonomisë Fatmir Besimi i cili morri pjesë në konferencën për zhvillimin e ndërrmarjeve të vogla dhe të mesme. Tetovë, 17 qershor-Problemet familjare dhe prishja e harmonisë në familje një kohë të gjatë dyshohet të kenë qenë arsyet e vetëvrasjes që ka kryer 22 vjeçarja studente në Universitetin Shtetëror të Tetovës në drejtimin e Juridikut. Policia e Tetovës njofton se vajza e cila përkohësisht qëndronte në Tetovë në një banesë në rrugën e Ilindenit numër 46 bllok 77, të martën mbrëma rreth orës 19.00 është hedhur nga dritarja e hapur e banesës në katin e 12, ndërsa ka ndruar jetë në rrugë e sipër për në spitalin klinik të Tetovës, ku e kanë dërguar dy persona që kanë rastisur në vendngjarje, kurse mjekët vetëm kanë konstatuar vdekjen e saj. Sipas burimeve tona, 22 vjeçarja Xhoana.D nga Tirana një kohë të gjatë ka qenë në depresion për shkak të problemeve familjare, ndërsa gjatë ditës kritike dy herë më parë ka tentuar të bëjë vetëvrasje por është penguar nga dy shoqet e saja, ndërsa herën e tretë ka arritur që të ikë nga ata duke u hedhur nga kati I 12 I ndërtesës. Detaje tjera nuk janë dhënë për këtë vetëvrasje që shokoi banorët e kësaj lagje, kurse është hera e parë që një studente nga jasht vendos t`I jep fund jetës së saj në këtë mënyrë. Policia njoftoi se ekipet e saja së bashku me gjykatësin hetues dhe zëvendësprokurorin kanë bërë hetime në vendin e ngjarjes dhe janë duke u zhvilluar aktivitete për zbardhjen e plotë të motiveve që kanë të bëjnë me vetëvrasjen e 22 vjeçares shtetase e Shqipërisë.Trupi I pajetë I studentës nga Shqipëria është dorëuzar për obduksion. Agjencia hapësinore amerikane "NASA" njoftoi se po përgatitej për një mision që ka të bëjë me zbulimin e ujit në Hënë dhe për pista ndalimi për të punuar mbi trupin qiellor ku mendohet se mund të jetohet. NASA parashikon të nisë më 17 qershor nga ''Cap Canaveral'' një raketë me dy mekanizma eksplorues, njëri për të gjetur ujë dhe tjetri për të gjetur pista ndalimi. Eksplorimet do të përqendrohen në polet e trupit qiellor që ende janë të panjohura, dhe do të bëjnë të mundur dhënien e informacioneve përsa i përket pranisë së hidrogjenit dhe ujit. Një nga pronarët e kompanisë MAT, Zhivko Gruevski, në akuzën më të re ndaj njeriut të parë të Agjensisë për Fluturime Civile Zoran Kërstevski tha se ky i fundit ka si synim të shkatërrojë MAT-in. Gruevski arsyeton këtë akuzë me mos-shqyrtimin e ankesës së MAT-it nga Komisionin qeveritar i shkallës së dytë, edhe pse afati për shqyrtim ka skaduar. "E përcjellim, ndoshta, sekuencën apo fazën e fundit të mega-projektit të quajtur’ shkatërimi apo se si të shkatërohet aero-transportuesi i vetëm në Maqedoni MAT, në regji dhe skenar të plotë të njeriut të parë të Agjensisë për Fluturime Civile. Deri tani nuk kemi kurrëfarë përgjigje, por ne do të vazhdojmë edhe më tej me procedurën juridike , sepse jemi të bindur se është çështje kohe kur ne do të dëshmojmë se në një mënyrë të dhunshme, jo-ligjore dhe brutale kompanisë sonë i është ndaluar të operojë, sidomos në fillim të sezonit verorë, kur ne kemi parashikuar të bëjmë progress në veprimtarinë tonë", thotë Zhivko Gruevski, pronar i MAT-it. Ai shton se për mbylljen joligjore të kompanisë ka ngritur padi pendale kundër drejtorit Krstevski. Agjensia për fluturime civile do ta kthejë në të njejtën masë ndaj dy pronarëve të MAT-it, Zhivko Gruevski dhe Zllatko Petrovski për shpifjet dhe presionin që këta dy persona në mënyrë të vazhdueshme e bëjnë ndaj institucionit. Mosmarrëveshjet mes MAT-it dhe AFC filluan para më shumë se një muaji kur kjo e fundit kërkoi që MAT t'ia ndërrojë këmbën mbajtëse avionit të tyre të vetëm, dhe që prej atëherë ai gjendet në Beograd. Zbulohet në Bullgari një rrjet kriminal shqiptarë për shitjen e fëmijëve. Lajmi publikohet nga televizioni "Nova TV". Gjashtë gra akuzohen se kanë shitur foshnja dhe janë përfshirë në trafikim. Mes tyre një rol të madh në këtë trafikim ka pasur shqiptarja Albena Qerimi, e cila ka punuar për një shoqatë adoptimi "Sunny Day". Licenca e kësaj organizate është hequr në fund të vitit 2007. Tashmë mbetet për t'u verifikuar roli i shqiptarëve me këtë organizatë trafikimi, pasi i përfshirë ishte dhe bashkëshorti i Qerimit. 16 fëmijë janë shitur për një shumë nga 10-40 mijë euro në vitet e fundit. Shumica e nënave të fëmijëve janë me origjinë rome, që jetojnë në lagjen Filipovzi në Bullgari. Pasi u ndërrojnë adresën dhe të dhënat e lindjes së fëmijëve, u nxjerrin pasaporta dhe fëmijët udhëtojnë me prindërit e tyre të rinj, pasi bëhet shitja e tyre në këmbim të mijëra eurove. Mediat bullgare kanë hapur edicionet me këtë lajm, me titujt "kapet mafia shqiptare e shitjes se foshnjave" Flakët e një zjarri të fuqishëm shkatërruan për të dytën ditë me radhë rrethinat e Athinës, duke djegur hektarë të tëra pyjesh dhe duke kërcënuar banesat dhe fermat. Më tepër se 200 zjarrfikës po përpiqen të shuajnë flakët, ndërkohë që dy avionë dhe dy helikopterë lëshojnë tonelata uji për të shuar zjarrin, që ka më tepër se 20 orë që vazhdon. ‘Situata është përmirësuar disi, por ka ende fronte dhe zona ku zjarri vazhdon me intensitet’, deklaruan zjarrfikësit. Zjarri që nisi mesditën e djeshme është nxitur nga erërat e forta dhe është përhapur me shpejtësi në shpatet e malit Himetus duke shkaktuar re të mëdha tymi mbi qytet. Flakët detyruan disa prej banorëve të zonave të largoheshin nga shtëpitë e tyre. Agjencia amerikane e hapësirës NASA shtyu sot lëshimin e planifikuar të anijes kozmike ‘Endeavour’ për shkak të rrjedhjes së hidrogjenit që u konstatua gjatë furnizimit të anijes me karburant, deklaroi një zyrtar i agjencisë. Anija kozmike ‘Endeavour’ dhe shtatë anëtarët e ekuipazhit të saj do të niseshin sot drejt hapësirës nga qendra hapësinore Kennedy në Florida me një mision për dërgimin e kontingjentit të fundit të pajisjeve japoneze për Stacionin Hapësinor Ndërkombëtar. Zëdhënësi i NASA-s, Allard Beutel sqaroi se astronautët kishin vënë re rrjedhje të hidrogjenit gjatë furnizimit të anijes me afro 1.9 milion litra oksigjen dhe hidrogjen të lëngshëm. NASA duhet të kryejë edhe tetë misione të tjera për të përfunduar plotësisht ndërtimin e Stacionit Hapësinor Ndërkombëtar, ndërkohë që parashikon të nxjerrë jashtë përdorimit tre anijet kozmike në fund të vitit 2010. Gjatë vëzhgimit të një grupi personash, të cilët për pesë ditë u lanë që të flinin me orë të reduktuara, u pa se ata shtuan 1.3 kilogramë, në ndryshim nga persona të tjerë të cilët fjetën normalisht, si dhe konsumuan tre vakte të plota. Kështu të flesh 4-5 orë në natë, redukton deri në 30 përqind leptinën, një hormon që mban nën kontroll oreksin, ndërsa rritet grelina, hormoni që stimulon urinë Kush mendon se të fjeturit pak e dobëson e ka gabim. Madje reduktimet e gjumit të shtojnë në peshë. Këto janë të dhënat e prezantuara gjatë zhvillimit të "Sleep 2009" , takimit të Shoqatës Mjekësore të Gjumit që po mbahet në SHBA. Gjatë vëzhgimit të një grupi personash, të cilët për pesë ditë u lanë që të flinin me orë të reduktuara, u pa se ata shtuan 1.3 kilogramë, në ndryshim nga persona të tjerë të cilët fjetën normalisht, si dhe konsumuan tre vakte të plota. Kështu të flesh 4-5 orë në natë, redukton deri në 30 përqind leptinën, një hormon që mban nën kontroll oreksin, ndërsa rritet grelina, hormoni që stimulon urinë. Nuk është e rastësishtme që në dhjetëvjeçaret e fundit, masa mesatare trupore është rritur për shkak të reduktimit të gjumit nga 8-9 orë që ishte në vitet '60 në 6-7 orë që është sot. Ndaj mjekët thonë se çdo natë njerëzit nuk duhet të flenë më pak se 7-8 orë për t'u plotësuar me gjumë, si dhe për të mbajtur nën kontroll trupin. Jo normal është edhe gjumi i tepërt i cili jo vetëm që sjell shëndet të tepruar,po edhe këputje, pasitivitet dhe shumë dëshirë për ushqim. Ekipet paramjekësore u thirrën në shtëpinë e tij në Hollywood pasi këngëtari humbi ndjenjat. Pastaj ai u dërgua në spital, por ekipi mjekësor nuk arriti ta kthente në jetë. Zyrtarët thonë se ai nuk merrte me frymë kur ekipet paramjekësore iu përgjigjën një telefonate për të shkuar në shtëpinë e tij. Përpjekjet për ta risjellë atë në jetë nuk patën sukses dhe këngëtari vdiq më vonë në spital. Pritet autopsia Vëllai i Michael Jackson, Jermaine, konfirmoi vdekjen. "Vëllai im, mbreti legjendar i Pop-it, Michael Jackson, ndërroi jetë të enjten 25 qershor në orën 2.26 pasdite," tha ai. "Besohet se ai pati arrest kardiak në shtëpi. Megjithatë, shkaku i vdekjes mbetet i panjophur derisa të mësohen rezultatet e autopsisë". Trupi pa jetë i këngëtarit është dërguar në zyrën e mjekut ligjor të Los Angeles-it. Turmat e adhuruesve të tij janë mbledhur në spital dhe në shtëpinë e tij në qytet. Por ato po mblidhen dhe në shtëpinë ku Michael Jackson u rrit në Indiana si dhe në Times Square dhe teatrin Apollo në New York. Adhurues dhe miq të këngëtarit kanë shprehur keqardhjen dhe kanë bërë vlerësimet e para për karierën e tij. Vlerësime Aktivisti amerikan për të drejtat e njeriut, Al Sharpton, mik i ngushtë i këngëtarit, tha se Michael Jackson ishte një figurë historike që kishte promovuar pranimin nga shoqëria të zezakëve. "Michael Jackson e bëri kulturë pranimin e një persone me ngjyrë ngjyrë kohë përpara Tiger Woods, Oprah Winfrey, kohë përpara barack Obamës," tha ai. "Michael bëri me muzikën atë që ata bënë më vonë në sport, politikë dhe botën e TV dhe asnjë kontraversialitet nuk ka për ta fshirë ndikimin e tij historik". Por Yuri Geller, një mik i ngushtë i Jackson, tha se pavarësisht nga talenti dhe fama, ai kishte bërë një jetë të vetmuar. "Thellë në zemër, ai ishte konfuz dhe i vetmuar dhe arsyeja për këtë, besoj unë, ështe ngaqë askush nuk e kuptonte Michael Jackson. Dhe ai kaloi nëpër ferr. Gjithsesi, tani është në parajsë, padyshim që ndodhet në një vedn më të mirë". Karrierë spektakolare Michael Jackson pati një karrierë spektakolare. Jeta e tij që nga mosha 11 vjeçare, kur grupi i krijuar me pjesëtarë të famijes së tij Jackson 5 nxori këngën e parë përmes një firme të fuqishme, u zhvillua në sytë e publikut. Karierën solo ai e nisi që në adoleshencë, por suksesin e pati sidomos në vitet '80. Albumi i tij i vitit 1982 Thriller, mbetet albumi më i shitur në botë i të gjitha kohërave. Muzika e tij soul, funk dhe rock, talenti si kërcimtar dhe stili origjinal, e shndërruan Michael Jacskon-in në një emblemë mbarëbotërore. Jetë kontraversiale Jeta e tij private nisi të mbizotëronte muzikën kur sjellja e këngëtarit nisi të bëhej gjithmonë e më eksentrike. Imazhi i tij u godit rëndë katër vjet më parë, kur ai u akuzua për abuzim fëmijëshe para katër viteve edhe pse më vonë gjykata e shpalli atë të pafajshëm. Michael jackson u martua dy herë dhe lë pas tre fëmijë. Ish-bashkëshortja e tij, vajza e Elvis Presley, Lisa Marie, tha se vdekja e Michael Jackson, e kishte tronditur dhe trishtuar. Një rast i tillë ndodhi të hënën në fshatin Koliçan të Epërm, ku gjashtë vjeçarit Isa Ebibi policët, pasi e kanë marrë në stacionin policor bashkë me të atin, i kanë dhënë çokollata me qëllim që ai të pohojë se babai i tij Femi Ebibi ka pistoletë. “Pasi e bastisën shtëpinë dhe nuk gjetën asgjë, mua dhe djalin tim 6 vjeçar na morën në stacionon policor në Draçevë. Aty fëmijën tim e ndanë veç nga unë dhe disa femra police i kishin dhënë atij çokollatë dhe lëng që ai të thotë se unë kam pistoletë. Sipas policisë djali ka thënë se po, dhe ata më vonë e kërkuan pistoletën nga unë. U thashë se nuk kam asgjë ndërsa ata mu kërcënuan me rrahje nëse nuk e dorëzoj”, rrëfen Femi Fbibi. Femiun dhe të birin në stacionin policor të Draçevës i kanë mbajtur deri në ora 22: 00, dhe pastaj i kanë kthyer në fshat ku dhe kanë vazhduar me bastisje për të gjetur pistoletën, duke u bazuar në fjalët e një gjashtëvjeçari. “Pasi nuk gjetën asgjë, na kërkuan falje për atë që ndodhi”, thotë Femiu. Ai nuk konteston të drejtën e policisë për të ndjekur personat e dyshuar, nëse metodat e tyre nuk shkaktojnë shqetësime tek popullata, por mënyra se si u trajtua ai dhe familja e tij gjatë bastisjes nuk është në suaza të normales. “Si mund të merret në polici një fëmijë gjashtë vjeçar dhe pastaj të bazohen në fjalët e tij. Po fëmija është fëmijë, ai mund të thotë ç’ka ti kujtohet”, tha Femiu. Edhe bashkëshortja e tij, Sadetja tregon për ankthin e përjetuar. Sipas saj një polic ia ka mbajtur tytën e automatikun në qafë ndërsa të tjerët kanë bastisur shtëpinë. “Rreth orës njëmbëdhjetë erdhën policët dhe filluan të bastisin shtëpinë. Unë ju thashë se nuk kemi asgjë, por ata vazhduan. Njëri ma mbante tytën e automatikut në qafë, ndërsa tjerët bastisnin. Pasi përfunduan me bastisjen burrin tim së bashku me djalin gjashtë vjeçar i morën në stacioni policor. Unë ju tregova se djali im është vetëm gjashtë vjeç, ndërsa policët thoshin se është dhjetëvjeçar”, tha ajo. Preteksti i bastisjes së familjes Hebibi nga fshati Koliçan i Epërm, ishte kërkimi i armës me të cilën, kohë më parë prerësit ilegal të drunjve, vranë një polic. Ministria e Punëve të Brendshme njoftoi se të dy derisa diskutonin rreth disa mosmarrëveshjeve të mëparshme të tyre, Beni S. e ka shtyrë, ndërsa R.U. i hidhëruar për shkak të kësaj është drejtuar ndaj makinës të tij "audi A4", i cili ka qenë i parkuar në afërsi, e ka marrë pistoletën dhe me një gjuajtje e ka qëlluar në dorën e djathtë dhe në anën e djathtë të krahërorit.I qëlluari Beni S. me makinën e kunatit të tij V.R. (38), menjëherë është dërguar në një ambulancë private në fshatin Zhelinë, ndërsa prej atje me makinë tjetër është transferuar në Spitalin klinik nw Tetovë, ku u është nënshtruar lëndimeve të marra Zënka verbale mes dy banorëve të Zhelinës dje mbaroi me vrasje. Tridhjetë e shtatë vjeçari R.U. dje rreth orës 16 e vrau me pistoletë bashkëvendësin e tij Beni. S. (33). Rastin në Sektorin e policisë - Grupçin përmes telefonit e ka paraqitur R.U.Ekipi nga SPB-Tetovë, gjykatësi hetues kujdestar dhe zëvendësprokurori publik kanë kryer ekspertizë në vendin e vrasjes, ndërsa R.U. është arrestuar dhe punohet për zbardhjen e plotë dhe dokumentimin e ngjarjes, ndërsa është gjetur dhe dorëzuar për ekspertizë pistoleta e llojit "Cërvena zastava-M-57", kalibër 7,62 milimetra, të cilin R.U. e ka poseduar me leje. Pas urdhëresës së gjykatësit hetues trupi i të vrarit është dorëzuar në obduksion. Pas pastrimit të plotë dhe dokumentimit të rastit, kundër R.U. nga ana e SPB-Tetovë do të ngrihet padi penale përkatëse. Gjasat që qytetarët e Maqedonisë pa viza të udhëtojnë në vendet e Bashkimit Evropian nga 19 dhjetori janë reale. Ata të cilët dëshirojnë të udhëtojnë në ndonjërin nga vendet e BE-së pa viza, duhet të posedojnë pasaportë biometrike, ndërsa u rekomandohet të posedojnë garancë nga personi apo institucioni ku qytetari udhëton, të kenë para me vete, të cilat mund ti kërkojnë zyrtarët në ndonjërin nga vendkalimet kufitare të BE-së, si dhe sigurimin e udhëtimit. Afati i qëndrimit në vendet e BE-së është 90 ditë. Nga Ministria e Punëve të jashtme bëjnë të ditur se, qytetarët që nuk posedojnë pasaportë bimoetrike, por që kanë vizë me afat, mund të udhëtojnë, ndërsa ata që nuk kanë vizë në pasaportën e vjetër, nuk kanë të drejtë të udhëtojnë në vendet e BE-së. Deri tani 75 % e qytetarëve të Maqedonisë janë pajisur me pasaporta bimotrike, ndërsa muaji prill i vitit 2012 është afati i fundit kur të gjithë qytetarët e Maqedonisë duhet të pajisen me pasaportë bimoetrike. Nga MPJ gjithashtu bëjnë të ditur se ata qytetarë që dëshirojnë të punojnë, apo studentët që dëshirojnë të studiojnë në ndonjë vend të BE-së, paraprakisht duhet që në Shkup, të aplikojnë në ambasadën e vendit ku dëshirojnë të udhëtojnë. Më 30 nëntor, këshilli i ministrave të punëve të brendshme dhe atyre të drejtësisë të vendeve anëtare të BE-së, pritet të miratojë vendimin për heqjen e vizave, i cili një ditë më pas do të publikohet në gazetën zyrtare të BE-së, ndërsa vendimi hunë në fuqi 20 ditë pas publikimit në gazetë zyrtare. Në shkollën e Grupçinit 50 nxënës mësojnë në një klasë. Në shkollën fillore 'Pashko Vasa' në Grupçin të Tetovës, gati dy javë mësojnë nga mbi 50 nxënës në një klasë. Shkak për këtë, është vonesa e punimeve në meremetimin e katër klasave të kësaj shkolle. Drejtori i shkollës Nuredin Ismaili, akuzoi kompaninë 'Farkom' nga Shkupi, se nuk i është përmbajtur afatit të përfundimit të punëve. Ai tha se mungesa e kushteve për mësim, do ta detyrojë që së shpejti të ftojë nxënësit në bojkotimin e mësimit. “Kjo firmë më 17 shtator ka nënshkruar kontratën për rregullimin e katër klasave në shkollën tonë, problemi ka qenë edhe më parë dhe tani na përsëritet sërish. Kontrata i ka skaduar më 15 tetor, tani nxënësit me kushtet ekzistuese, janë duke mësuar. Mund të paraqitet edhe ndonjë epidemi. Do të bojkotojmë, do i heqim nxënësit patjetër, sepse sot jam detyruar klasat shtatë një dhe shtatë dy ti kombinoj shkaku se s’ka kushte që të mbahet mësimi”, deklaroi Nuredin Ismaili, drejtor i shkollës fillore 'Pashko Vasa'. Prej fillimit të vitit të shkollor, nxënësit e klasave të shtata të kësaj shkolle, mësojnë në klasën e parashkollores dhe në karrige të dedikuara për fëmijët 6 vjeçar. Drejtuesi i kompanisë 'Farkom' nga Shkupi, e cila realizon punët, vonesën e arsyeton me ndryshimin e kushteve klimaterike. Në linjë telefonike për ALSAT, tha se ulja e temperaturës, ka ndikuar dukshëm në procesin e zhvillimit të punimeve. Për problemin në fjali, drejtori Nuredini, tha se e ka informuar edhe Ministrinë e Arsimit. Paralajmërim për rrezikun nga akullnajat Një ekip ndërkombëtar shkencëtarësh thotë se shtresa e sipërme e akullit në Groenlandë po shkrin me ritme shumë më të shpejta se shtatë apo tetë vjet më parë. Një nga shkencëtarët i tha BBC-së se më shumë se 1.5 trilionë ton akull ka shkrirë që prej vitit 2000. Autorët e këtij studimi shpresojnë se ai do të shtojë ndjenjën e urgjencës për të vepruar në samitin për klimën që do të zhvillohet në Kopenhagë muajin e ardhshëm. Shkencëtarët përdorën të dhëna satelitore, informacionin e shërbimit sinoptik dhe disa modele kompjuterike për të treguar se humbja e masës së akullit në Groenlandë ka patur ritme më të shpejta gjatë dekadës së fundit. Ata thonë se këtu ka pasur dy procese të veçanta - temperaturat më të larta të ajrit po shkaktojnë shkrirjen e sipërfaqes së akullit në një masë më të madhe dhe po shtohet numri i blloqeve të akullit që shkëputen nga akullnajat dhe shkojnë në det. Çdo vit niveli i detit po rritet edhe gjysmë here më shumë se ritmet e shtatë apo tetë vjetëve më parë. Po të shkrihet i gjithë akulli i Groenlandës, niveli i ujit të detit në shkallë globale do të rritet me afro shtatë metra. Nëse temperatura në zonën e Arktikut vazhdon të rritet, ritmet e shkrirjes së akullnajave do të shpejtohen. Megjithatë, shkencëtarët thonë se zhdukja krejtësisht e akullnajave ka pak gjasa të ndodhë në të ardhmen e afërt. Maqedonia sot do të mbjellë edhe 7,5 milionë fidane Nën moton "Paramendoje Maqedoninë në të gjelbër", sot në 120 lokacione në 32 komuna në Maqedoni do të mbillen 7,5 milionë fidane në sipërfaqe prej 3.674 hektarë në suaza të aksionit të katërt "Dita e drurit - mbjelle ardhmërinë tënde". Shoqata "Dita e drurit - mbjelle ardhmërinë tënde!" organizon transport falas për qytetarët deri tek lokacionet. Autobusët do të qarkullojnë në dy orë. Autobusi i parë niset në orën 8, ndërsa kthimi i fundit nga të gjitha lokacionet është paralajmëruar për orën 14. Shoqata u bën thirrje të gjithë qytetarëve të Republikës së Maqedonisë të marrin pjesë në aksion dhe me mbjelljen e sa më shumë fidaneve të kontribuojnë për avancimin e mjedisit jetësor. Ata rekomandojnë qytetarët të mos mbesin më shumë se dy orë në lokacionet. Për pjesëmarrje më masive në aksion, Qeveria ditën e nesërme e shpalli ditë jopune, e cila do të punohet të shtunën më datën 21 të këtij muaji. Fidane sot do mbjellin edhe kryeministri Nikolla Gruevski, anëtarë të Qeverisë, deputetë, pjesëtarë të ARM-së, nxënës... Në tre aksionet e deritanishme u mbjellën gjithsejt 13 milionë fidane. Aksioni i parë u zbatua më 12 mars të vitit 2008, kur u mbjellën dy milionë drunj. Pas gjashtë muajve, më 28 tetor të vitit 2008, u organizua edhe aksioni i dytë me mbjelljen e gjashtë milionë drunjve, ndërsa më 14 mars të vitit 2009 u mbjellën edhe pesë milionë drunj të tjerë. Në dy aksionet e para kanë zënë 57,5 për qind e fidaneve. Sipas vlerësimit të ekspertëve pyjorë, çdo pyjëzim me mbi 30 për qind të zënies, llogaritet i suksesshëm. Përqindje më të madhe ka në komunat Koçanë, Kërçovë, Vinicë, Shën Nikollë... Nga lokacionet në afërsi të Shkupit, në dy aksionet e para, zënia më e madhe është në Pesok - 89,2 për qind, në Kodrën e Ajvatovës 85,7 për qind dhe Kodrën Tek - 72,5 për qind. Në tre aksionet e deritanishme kanë dalë 450.000 qytetarë, ndërsa janë pyjëzuar gjithsej 5.080 hektarë me fidane. Organizatorët planifikojnë aksion të ri pranveror, i cili do të jetë në nivel ballkanik, ku krahas Maqedonisë, do të marrin pjesë edhe Shqipëria, Mali i Zi, Bullgaria, Rumania, Kroacia, Bosnja e Hercegovina, Serbia dhe Sllovenia.